HIÄ INELOSE...

Dr Vorverchouf für d'Plattetouf (Schoedo touft) am 29.09 isch eröffnet. Tickets brchömet dir für 20 Stutz bim Rudy im Old Gregory Pub (Egge Militär-/Langstrass).

Nid zlang warte, mir hei nume 100 Tickets!!

Probieret bi därä Glägeheit no äs Bierli - dr Rudy het dä Monät englischi Spezialitäte am Start. Für dä 30.09 (Schoedo fyret) gits de ä Abekasse.

Auso, würd üs freue we dir chömet u ab itz Old Gregory!

Gruess

Schömi u Domi

Liebi Fründe vo dr seichte Unterhautig

Nach Bligg, Baschi und Adi Stern erwartet nech dr nächschti mundart Meilästei i däm Jahr. Schoedo chnüpft mit sim neue Album „Wo d’Liebi blybe isch“ nahtlos a diä aute Misserfolg ah – äs Album voller Hits wo garantiert niä ir Hitparade lande wärde. Touft wird dä ganzi Chabis im Gonzo am:

29.September / Schoedo touft (jaja, nachm Mätch)

Ian Constable (Live)

Schoedo (Live)

DJ Special Guest

30. September / Schoedo fyret:

DJs:

Baze

Philly Vanilly

Darvida

Schoedo